السلام عليكم…
اليوم الخميس الموافق 24 ابريل 2008 كان عندي الامتحان الاخير لمادة Digital Systems او اللي بحكولها Logic Design وطبعا كان الامتحان مش حسب توقعاتي بالمرة والمشكلة اللي خلتني انفجر ورفعت ضغطي انو قبل الامتحان كنت اشرح لاصحابي وكنت فاهم كتير وبساعد الشباب وواثق من حالي(لكن مع بعض الخوف) وبس دخلت الامتحان تفاجئت انو الاسئلة مش منطقية ابدا فكان الدرس الاول في المادة عن التحويل بين الانطمة العددية الثنائي والعشري والثماني وغيره وهاد الدرس جاء عليه اول سؤال وعليه 10 علامات والدروس المهمة والصعبة ما اجا منها شي ابدا ،والمفروض انو افرح لانو ما جاء على الصعب ولا سؤال لكن انا زعلت على الجهد والتعب اللي ضيعته على الدروس التانية وعدم تركيزي على الدرس الاول بالرغم اني كنت فاهمه تمام وصار اللي مش متقعه في اول الامتحان ما عرفت احل هاد السؤال ابدا وكاني اول مرة بشوفه او بسمع فيه وانتقلت بعدين للاسئلة التانية وهي الحل والحمد لله حليت كويس وبعدين رجعت للسؤال الاول اللي هو التحويل وحليت منو 4 فروع من اصل 10 فروع ، وطبعا بعد الامتحان روحت على البيت معصب ومش شايف الضو على اللي صار معي بس ليش هيك صار ،مش عارف وان شاء الله اتوفق في امتحانات الـ السكند وازبط اكتر من الاول.
